Müştəri bu kartla geniş səyahət, sığorta və xidmət imkanlarına malik olur. Bu güzəştlər aşağıdakılardan ibarətdir:

1. Konsyerj xidməti-bütün 5 ulduzlu otellərdə mütləq şəkildə mövcuddur. Xidmətdən istifadə üçün otelin müvafiq əməkdaşına müraciət edilməlidir.

Əsas şərt: Müştərinin qaldığı otelin xərci bu kartdan ödənilibsə, Black Edition konsyerj xidmətindən istifadə edə bilər. Digər vasitəylə ödəniş aparılıbsa (nağd, yaxud başqa kart), bu kartın konsyerj xidmətindən istifadə edə bilmir. Konsyerj xidmətinə daxildir: səyahətlə bağlı məsləhətlər, şəhər bələdçiləri, viza məsələləri, turlar, əyləncə və idman tədbirləri, restoranlarla bağlı tövsiyyə, avtomobil və digər nəqliyyat vasitəsinin icarəsi,hədiyyə axtarışı və çatdırılması, müxtəlif xidmətlər (məs.katiblər,kuryer və s.), həkim, dayə, hüquqi xidmətlər, dil kursları və s. mövzularda məsləhət və xidmət təklifləri. Müştəri otelin konsyerj xidmətinə müraciət edir və Black Edition kart sahibi olduğu üçün otel əməkdaşları ona bu məsələlərdə yardımçı olur.