Azər Türk Bankın rəqəmsal debit kartını hər kəs onlayn əldə edə biləcək
Azər Türk Bankın atb360 mobil tətbiqində yeni istifadəyə verilmiş xidmət sayəsində hər bir şəxs rəqəmsal atb card debit kartına tamamilə ödənişsiz və saniyələr ərzində rahatlıqla sahib ola biləcəkdir.
Belə ki, öncə tətbiqdə qeydiyyatdan keçilir, daha sonra SİMA identifikasiyanı keçməklə kart sifariş edilir. Saniyələr ərzində rəqəmsal kart atb360 cüzdanında aktiv olur.
Əgər müştəri kartın çap versiyasını almaq istəyərsə, o zaman tətbiqdə sifariş edib, təhvil almaq üçün Bankın filialını qeyd edir. Kartın çap versiyası 15 AZN təşkil edir.
Qeyd edək ki, atb360 mobil əlavəsini App Store və ya Google Play-dən mobil telefona yükləmək mümkündür.
Xatırladırıq ki, rəqəmsal kart vasitəsilə rahatlıqla onlayn ödənişlər həyata keçirə və kartı Google Pay və Apple Pay cüzdanlarına əlavə etməklə təmassız ödənişləri icra etmək olar.
Eyni zamanda card-to-card və müştəriyə məxsus digər hesab və kartlardan köçürmə vasitəsilə balansın artırılması mümkündür.
Həmçinin card-to-card və NFC texnologiyasını dəstəkləyən bankomat vasitəsilə kart hesabından məxaric əməliyyatlarını yerinə yetirmək olar.
