Azərbaycanda e-ticarətlə ödənişlər kəskin artımla tarixi rekord yenilədi
Maliyyə
22 June 2022
Azərbaycanda 2022-ci ilin ilk beş ayında elektron ticarət üzrə nağdsız ödənişlərin həcmi illik müqayisədə 3 dəfəyə yaxın artıb.
Bu barədə Banker.az Azərbaycan Mərkəzi Bankına istinadən xəbər verir.
2022-ci ilin yanvar-may ayları ərzində e-ticarətlə 84.14 milyon əməliyyat aparılmış və 5.821 milyard manatlıq ödəniş həyata keçirilib. Bu da öncəki illə müqayisədə həcmin 2.9 dəfə artımıdır.
May ayında elektron ticarətlə ödənişlərin həcmi tarixi rekord vurub. Belə ki, bir ayda ilk dəfə 1.373 mlrd. manatlıq əməliyyat aparılıb.
