Azərbaycanda pul kütləsi rekord səviyyəyə – 37 milyard manata çatdı
Maliyyə
22 June 2022
Bu ilin iyun ayının 1-nə Azərbaycanda geniş pul kütləsinin (M3) həcmi rekord səviyyəyə – 37.001 mlrd. manata çatıb.
Banker.az xəbər verir ki, bu barədə Azərbaycan Mərkəzi Bankı (AMB) məlumat yayıb.
Məlumata görə bu göstərici ötən ay ilə müqayisədə 4%, ötən ilin eyni ayı ilə müqayisədə isə 21.5% artıb.
2022-ci ilin iyun ayının 1-nə M2 pul aqreqatı 25.371 mlrd. manat, M1 pul aqreqatı (banklardan kənarda nağd pul və manatla tələb edilənədək depozitlər) 21.888 mlrd manat təşkil edib.
