Əsas səhmdar “Bank Respublika”dakı payını artırdı
Bank xəbərləri
16 June 2022
“Bank Respublika” ASC-nin səhmdarlarının pay bölgüsündə dəyişiklik olub.
Banker.az bu barədə Bankın illik maliyyə (audit) hesabatına istinadən xəbər verir.
Sənədə əsasən, “Bank Respublika”nın səhmlərinin 16.6%-nə nəzarət edən Almaniyanın DEG – İnvestisiya və İnkişaf Korporasiyası payını satıb. Onun payını isə Natiq Quliyev alıb. Bankın səhmlərinin 51.15%-nə nəzarət edən Natiq Quliyev payını 67.75%-ə çatdırıb.
“Bank Respublika”nın səhmlərinin qalan hissəsi əvvəlki qaydada Elçin Quliyevə (15.06%), Namiq Quliyevə (7.41%), Şakir Rəhimova (5.45%), “Sparkassen International Development Trust” şirkətinə (4.25%) və digərlərinə (0.08%) məxsusdur.
