Hansı banklar Trendyol ödənişlərində keşbək təklif edir?
Trendyol onlayn alışveriş dünyasında adını uğurla formalaşdırmış və müştərilərinə geniş seçim imkanları təqdim edən bir platformadır.
Qarant.az “Trendyol”da aparılan ödənişlərə kəşbek hesablayan bank kartlarını araşdırıb:
ABB: TamKartla "Kapitalist" paketini seçərək, Trendyol ödənişlərində 8% keşbək əldə edə bilərsiniz. Trendyol kateqoriyası üzrə ay ərzində maksimal keşbek limiti 15 AZN-dir, daha sonra 1% hesablanır. Kateqoriyalar hər ay yenilənir.
Bank of Baku: Bolkartın təqdim etdiyi Taksit və Debet kartları üzrə faizlər fərqlidir. Bolkart Debetle 0.5% Bolkart Kredit kartları ilə 7% kəşbek hesablanır. Trendyol üzrə bank tərəfindən aylıq qazanılacaq maksimum keşbek məbləği AZN valyutalı kartlarda 15 AZN təşkil edir.
Kapital Bank: Birbank Cashbackla "Bütün ödənişlər" kateqoriyasını seçmisinizsə, Birbank Cashback debet kartı ilə Trendyol-da ödəniş zamanı 1% keşbek hesablanır. “Bütün ödənişlər” üzrə Birbank Cashback debet istifadəçiləri ayda 100 AZN keşbek qazana bilərlər.
XalqBank: XalqKart Cashbackla hər yerdə ödənişlərdən 2% kəşbək qazana bilərsiniz. Eyni növ MCC kod altında aparılmış nağdsız əməliyyatlar üzrə aylıq maksimum 30 AZN-dir.
Bank Respublika: Neokartla keşbek faizi hər ay, Mobil Şöbə tətbiqi vasitəsilə, "Tarifini özün yarat" konsepsiyası əsasında təyin olunur. Kateqoriyadan asılı olaraq maks. 5%, toplam 15 % seçim etmək mümkündür. Saytın MCC kodundan asılı olaraq, kateqoriya üzrə seçim etdiyiniz keşbek faizi hesablanacaqdır. Hal-hazırda, "geyim mağazaları" aid olduğu MCC kodlu rəsmi səhifələr üzrə maksimal 4% , "digər ödənişlər"-ə aid oluğunda maksimal 1 % seçim mümkündür. Maksimal limit 30 000 Bonus təşkil edir, limiti keçdikdən sonra ödənişlər 0.5% ilə hesablanacaqdır.
Rabitəbank: Kartmane Debet kartlarında: Digər əməliyyatlar - ApplePay və GooglePay ödəniş sistemləri vasitəsi ilə aparılan ödənişlərə görə 1.5% keşbek, kart ilə aparılan ödənişlərə görə isə 1% keşbek, Kartmane Kredit kartlarında: Digər əməliyyatlar - ApplePay və GooglePay ödəniş sistemləri vasitəsi ilə aparılan ödənişlərə görə 2% keşbek, kart ilə aparılan ödənişlərə görə isə 1,5% keşbek hesablanır. Kateqoriya üzrə maksimal qazana biləcəyiniz keşbek məbləği – keşbek-in aylıq ümumi maks. məbləği ilə tənzimlənir.
