Mərkəzi Bankdan “Whatsapp” fırıldaqçıları ilə bağlı xəbərdarlıq
Bank xəbərləri
8 September 2022
Sosial şəbəkələrdə ödəniş kartlarının bloklanması və bununla bağlı kart sahibləri tərəfindən “Whatsapp” platforması üzərindən Mərkəzi Banka müraciətin edilməsi zərurəti ilə bağlı saxta məlumatlar yayılıb.
Bu barədə Banker.az-a Azərbaycan Mərkəzi Bankından bildirilir.
Bildiririk ki, yayılan məlumatlar həqiqəti əks etdirmir.
Vətəndaşlarımızı bu kimi məsələlərdə ehtiyatlı olmağa, şəxsi və ödəniş kartı haqda məlumatları heç bir halda üçüncü şəxslərə təqdim etməməyə və lazımi məlumatları yalnız Azərbaycan Respublikası Mərkəzi Bankının rəsmi internet səhifəsi və ya rəsmi sosial şəbəkə hesablarından əldə etməyə çağırırıq.
